FILSAFAT NI HAGABEON, HASANGAPON, DOHOT HAMORAON

Adong do 3 poda dipasahat Ompunta si Raja Batak tu hita Pinomparna, lao siingothon, i ma na marojahan tu “Dalihan na Tolu”

1.       Molo naeng ho SANGAP,

Manat ma ho mardongan Tubu/sabutuha...

Lapatan ni hata manat dison, i ma : Lehon sangap tu sipasangapon.

Dok “amang” molo siparamaon.... dok”hahang” tu siparhahaon ... dok “anggai” tu siparanggiaon.

Unang bahen juguhanmu tumimbo sian juguhan ni siparhahaonmu, nang pe tumimbo pangkatmu, manang ummora ho,

Unang pajolo-johonhon ho mandok hata manang manjalo panjambaron, ianggo disi  dope siparamaonmu ( udam apalagi Amangtuam ) nang pe ho do nian haha di partubu.

Angkka i ma sijagaon dina mardongan tubu/sabutuha. Jala molo tinurut poda on, marsangap ma iba di tonga-tonga ni dongan sabutuha jala “dengan sendirinya” di tongani masyarakat Medang Lestari....

2.       Molo naeng ho GABE

Somba/hormat ma ho marhula-hula.

Ianggo di halak hita Batax, nunga boi dohonon naung tapardaginghon poda nasasada on, Alai dibagasan ni, ala naung KRISTEN hita, ndang boi bulat-bulat hita songon ompunta najolo mandok : “Dibagasan tangan ni hula-hula i do hagabeon “ Ingkon marondolhon tuson do hita : Ia na pasangap hula-hula na manggohi Patik pa5hon ni do i, i ma patik na manjanjihon tua di tano on tu angka na mangulahonsa, jala hagabeon do antong dietong hita Batax, tua nomor sada di tano on.

3.       Molo naeng ho MAMORA

Elek ma ho marboru ....

Maksudna : unang bahen borumi (helami) songon dakdanak na somal,:

 na boi asal suru-suruon/parentaon, jala paksa on di segala waktu di segala hal ( mis: ingkon mangurupi parhepengon, di todong waktu lelang, dsb)  uru

Na boi songgak-songgakon jala boi juaon menurut lomo niba.

Inggkon elek do tongtong hataniba tu nasida,

Lambok jala pantun binahen hata i molo lao  manuru

Dampor jala sorur binahen pangkuling molo mangido.

Unang muruk-muruk iba mandok, molo terpaksa ingkon juaon pangidoan nasida, alai ingkon mansai do i dohonon “dengan lagu yang mengandung harapan” asa tung mardomu tu poda na di Buku na Badiai “ Hamu angka natoras, unang gintali hamu angka ianakkonmuna”

Jadi molo elek do iba marboru, dang tarjua so holong rohani boru dohot hela i di iba, sai na sarihonon nasida ma iba, jala ndang loasonna iba humasusa. Ba i do antong hamoraon na sintong....

Disadur dari Buku ni Amanta TM SIHOMBING (dongantubuni A Bernard)